مسحت اسمك من ايامي

مسحت اسمك من ايامي وبمسح كل ابياتي

ونبضي الي بقى عندك قصيدة ومات كاتبها




ثنيت اجمل سنين العمر وهانت فيك صدماتي

حسبت وضاعت الحسبه اثاريك انت حاسبها




يذوب القلب في ضلوعي شقا من سيل طعناتي

اهدد ويتوعدني اشد الاااه اجذبها




خساره صفحتي بشوفك خساره حر لهفاتي

خساره كيف صدقتك وكل الناس اكذبها




خساره حبي واشواقي خساره فيك اهاتي

فديت احزانك بحزني وبحياتي يامعذبها




غليت اقصى الجروح الي استهانت عز دمعاتي

خضعت اقصى جروح الروح غلا من حب صاحبها




ما اقول ان الزمن قصر خطاي كثر عثراتي

اقول ان البخت كسر اماني كنت ارتبها




يخون القلب نبضاته بناس نبضها ماتي

تشوف ان الغلا لعبه بليا احساس تلعبها




خلاص اليوم ياقليبي مابقى شئ واحاتي

لاباقي حب لاباقي حلم وقلوب اعاتبها




مابقى غير دمعاتي وغربه روحي بذاتي

وجروح من بقايا الامس تبعثرني وارتبها




مسحت اسمك من ايامي وبمسح كل ابياتي


ونبضي الي بقى عندك قصيدة ومات كاتبها

لسان قايلها وسلمت يد كتبتها يسلموووو خيووووه على الكلمات الجميلة بنتظار جديدكِ تحياااااااااتي لكم فرررررفوشة

كلمات تحمل بداخلها قوة المشاعر
سلمت يمناكـ
بنتظار جديدك