يمه مريولي توسخ

من طرف زهرةالبنفسج الجمعة ديسمبر 26, 2008 7:12 pm

يمه وينك !؟
آنا بنتك .. " ضي عينك " !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!
يمه بدري .. والله بدري ! . . " آتهجّاها اهمومي ! " . .
يمه مات !
كل شي ٍ كنت أحسه " حي " في هذي الحياة !
" الأمل في رجعة الأحباب "
" صوت الأمنيات " !
وكل شي ٍ كنت أحبه ..
مر ..
ودعني ..
وفات !
طفلتك ماعاشت " إحساس" الطفولة !
............. فاقده في هالزمان ... إحساسها !
شافت إن الصبح ..... ماتقدر تطوله !
............. وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
فيه شي ٍ لو قدرت إني ....... أقوله !
............ كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
.
.
يمه وينك !!؟
.
.
.

.
.
..... يمه......
تكفين إسمعيني..
يمه بسألك شئ
جاااوبيني..
هوصحيح اللي مات
داخل القبر يصير حي ..؟؟
..... يمه......
أسمع أنا صوتك ..
كل يوم أسمعه..
وإذا أحاكيك هاوشوني ..
قالولي إنسي...
يالله روحي إلعبي...
يمه تعالي ارجعي ..
والله خلاص بسمع كلامك ..
ماأخرب ألعابي...
وإن قلتي يالله روحي نامي ..
أروح حتى ماتزعلي...
يمه تكفين ارجعي ..
اليوم حطت لي المديرة..
نجمة من فوق جبهتي..
سمعتها تقول....
مسكينة هالبنت صارت يتيمة...
قالت لها أبلة منيرة...
مسكينة توها صغيرة...
وش كانو يقصدون...؟؟
يمكن عشاني صرت عاقلة...
ولا عشاني دايم اسرح...؟؟
يمه مريولي توسخ.....
ماكان قصدي اوسخه...
بس تذكرت انك تقولي ..
بعد شهرييين.....
بشتري لك لبس ثاني..
يمه تعالي اشتري...
يمه عرفتي مها...؟؟؟
صديقتي اللي معي...
زاعلتني..
تقول صرت مااضحكها ..
راحت تدور غيري....
عشان تلقى أحد يونسها ...
.. يمه ..
يالله خلاص لا تمزحي...
يالله قومي ....
تعالي معي للبيت ارجعي...
.... يمه ...
يمممه نسيت شئ ..
بقولك ترى بيتنا صار فاضي...
وكل اللي فيه أنا وأخواني ...
ليه وين أقاربنا ..؟؟
وين خالتي..؟؟
اللي كانت تجينا..
يممه قومي يالله تعالي
تكفين يالله تعالي...
ماودي ارجع لحالي ..
والله خايفة ..
ترى أمس جيتك..
مارديتي...
حسبتك نايمة...
أوأقولك ...
خلاص خلاص ..
أنا بجيك بكرة ..
إذاراحو الناس من هنا ...
تكفين يمة بكرة اصحي..
تكفين يمه ارجعي ..

.
.

دمتم بــــ ح ـــــب
بنتظار آرأكم ومشاعركم

للأمانة منقول